Plantun de Prouvènço

Pèr coumpara dos planto d'encò nostre

Cistus albidus & Fraxinus excelsior

Massugo-blanco

Cistus albidus

Cistaceae

Àutri noum : Massugo-blanquinouso, Badafo, Estènde-pedas, Escuro, Bos-de-roso.

Noms en français : Ciste blanchâtre, Ciste cotonneux.

Descripcioun :
La massugo-blanco es un aubret bèn couneigu de nòsti garrigo. Li fueio soun bourrihudo, coutounouso, alor que li flour soun roso.

Usanço :
Couneissèn pas d'usanço tradiciounalo pèr la massugo-blanco. Li darriéris estùdi mostron d'efèt antimicoubaterian (contro la tuberculoso).

Port : Aubret
Taio : Pancaro entresigna
Fueio : óupousado
Tipe bioulougico : Faneroufite
Cicle bioulougico : Planto renadivo

Gènre : Cistus
Famiho : Cistaceae

Coulour de la flour : Roso
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Garrigo - Roucaio
Estànci : Termoumediterran à Mesoumediterran
Couroulougi : Pancaro entresigna
Ref. sc. : Cistus albidus L., 1753

Frais

Fraxinus excelsior

Oleaceae

Àutri noum : Frau, Fraich, Fraiche, Fraisse, Frais-mascle.

Nom en français : Frêne commun.

Descripcioun :
Lou frais es un aubre de mountagno que trachis dins li relarg umide en terro prefoundo. Se recounèis à si bourroun negre e óupousa, à si fueio coumpausado de 5 à 11 fueioun denta e pounchu, e peréu à soun fru que ié dison "lengo d'aucèu".

Usanço :
Emé la ligno de frais se fai li manche d'óutis. Li fueio (e li fru) soun couneigudo pèr lucha contro lou mau-d'os e ajuda à pissa. Faire bouli uno pougnado, pièi après infusioun, béure emé de jus de limoun. Dins d'ùni endré, li jóuini fru soun manja après èstre esta bouli dous cop. En Franço s'adoubo uno bevendo, la freineto, emé li fueio cuberto de melado (producho pèr li nieroun).